آرنلڈ شوار زینگر طویل عرصے بعد ایک بار پھر ٹرمینیٹر کے روپ میں نظر آئیں گے

نئی سیریز کی ’ٹرمینیٹر ٹو‘ مئی 2017 جب کہ ’ٹرمینٹر تھری‘ 2018 میں سینما گھروں كی زینت بنے گی، پیرا ماؤنٹ پکچرز۔ فوٹو: فائل

---

ہالی ووڈ اداکار آرنلڈ شیوار زینگر طویل وقفے کے بعد ایک بار پھر سپر ہٹ فلم 'ٹرمینیٹر' کی نئی سیریز میں نظر آئیں گے۔


غیر ملکی خبر رساں ادار کے مطابق پیرا ماؤنٹ پكچرز نے اعلان کیا ہے كہ وہ ٹرمینیٹر نام كی فلموں كی نئی سیریز بنارہی ہے جس میں کئی سال کے وقفے کے بعد آرنلڈ شیوارزینگر ایک بار پھر ٹرمینیٹر کے کردار میں نظر آئیں گے، نئی سیریز كی پہلی فلم 'ٹرمینیٹر جینیسز' كے نام سے ہو گی جو آئندہ سال جولائی میں سینما گھروں کی زینت بنے گی۔

پیرا ماؤنٹ پکچرز کے مطابق سیریز کی باقی 2 فلمیں 'ٹرمینیٹر ٹو' مئی 2017 جب کہ 'ٹرمینٹر تھری' 2018 میں سینما گھروں كی زینت بنے گی جب کہ سیریز فلم کی تیاری كے لئے متعلقہ افراد سے رابطے شروع كر دئیے گئے ہیں۔

واضح رہے کہ ٹرمینیٹر پر پہلے بننے والی فلموں نے عالمی سطح پر شہرت کے نئے ریکارڈ قائم کئے تھے اور ان تمام میں آرنلڈ شیوارزینگر نے ہی اپنی اداکاری کے جوہر دکھائے تھے۔