اداکارہ نرما نے خود کو شوبز میں ’’آل راؤنڈر‘‘ قرار دیدیا

مختلف شعبوں میں کام کرچکی ہوں جلدانٹرنیشل پروجیکٹ بھی کر رہی ہوں جسے لوگ پسند کرینگے ۔ فوٹو : فائل

---

فلم اسٹارنرما نے انٹرنیشنل '' اسٹار'' ہونے کے بعد شوبزمیں ''آل راؤنڈر'' ہونے کا دعویٰ کردیا۔ فلم کے علاوہ فیشن ورلڈ ، ٹی وی اوراسٹیج پرفارمنسزکرچکی ہوں اورابھی مستقبل میں مزید انٹرنیشنل پروجیکٹس میں بھی کام کرینگی۔

واضح رہے کہ نرما نے گزشتہ کئی برسوں سے شوبزکی کسی بھی سرگرمی میں حصہ نہیں لیا اورنہ ہی کسی فلم اورٹی وی پروڈیوسرنے انھیں کسی پروجیکٹ میں اہم کردارکی پیشکش کی تھی ۔ اس کے علاوہ ملک بھرمیں ہونے والے فیشن ویک میں اداکارہ ریما، میرا، ریشم ، ثنا اورنور کوتومتعدد بار مدعو کیا گیا لیکن نرما کسی بھی قابل ذکرایونٹ یا پروجیکٹ میں دکھائی نہیں دیں۔ انھیں عیدالفطرکے موقع پراسٹیج ڈراموں کے معروف پروڈیوسرارشد چوہدری نے اپنے ڈرامے میں کاسٹ کیا تھا ، جس پرکچھ حلقوں کا خیال تھا کہ شائقین ڈرامہ ان کوپسند کرینگے لیکن ان کے مقابلے اداکارہ خوشبو کو پہلے کی طرح بہترین رسپانس ملا۔

جب اس سلسلہ میں اداکارہ نرما سے رابطہ کیا گیا تو انھوں نے ''ایکسپریس'' کو بتایا کہ میں نے شوبز کے مختلف شعبوں میں کام کیا ہے اسی لیے میں آل راؤنڈر ہوں۔ مستقبل میں بھی بہت سے انٹرنیشنل پروجیکٹ کرنے کا ارادہ ہے ، جن کو دیکھ کر لوگ خوب انٹرٹین ہونگے۔