امریکا پاکستان کو ڈرون حملے سے متعلق آگاہ کرتا ہےامریکی اخبارکادعویٰ

کسی ملک کی واضح اجازت کے بغیر ڈرون حملے غیر قانونی ہیں، امریکی اہلکار، فوٹو: ایکسپریس

---

امریکی اخبارکا دعویٰ ہے کہ امریکا ہرماہ پاکستان کو ان علاقوں کی نشاندہی کرتا ہے جہاں اس نے ڈرون حملے کرنا ہوتے ہیں۔

امریکی اخبار وال اسٹریٹ جرنل کے مطابق امریکی انتظامیہ ہر ماہ پاکستان کو فیکس کے ذریعے ڈرون حملے کرنے والےعلاقوں کی نشاندہی کرتی ہے، پاکستان اس فیکس کے جواب میں خاموش رہتا ہے جسے اقرار سمجھ کر ڈرون حملے کئے جاتے ہیں، امریکی انتظامیہ کے کئی اہلکار اب اس حکمت عملی سے ناخوش ہیں اور ان کا خیال ہے کہ کسی ملک کی واضح اجازت کے بغیر ڈرون حملے غیر قانونی ہیں، اس سے نمٹنے کے لیے امریکی انتظامیہ ڈرون حملوں کے لیے ایک پائیدار فریم ورک تیار کر رہی ہےجس کا مقصد دنیا کو اس کامعقول اورقابل قبول جواز پیش کرنا ہے۔