بدین میں پک اپ اور ٹرک میں تصادم 2 افراد جاں بحق 3 زخمی

حادثہ کراچی شاہراہ پر تیز رفتاری کے باعث پیش آیا، زخمیوں کی حالت تشویشناک، 25 بکریاں بھی مرگئیں۔ فوٹو: فائل

---

بدین کراچی شاہراہ پر ٹریفک حادثے میں 2 افراد جاں بحق، 3 زخمی جبکہ 25 بکریاں بھی مرگئیں۔

مٹھی کے علاقے کاٹھیو سے بکریاں لے کر کراچی جانے والی پک اپ کا بدین کے قریب سیم نالہ کے مقام پر سامنے سے آنے والے ٹرک سے تصادم ہوگیا۔ حادثے کے باعث پک اپ میں سوار امید علی راجڑ اور جامی راجڑ موقع پر جاں بحق ہوگئے جبکہ عبدالغفور راجڑ، آدم گجو اور شریف راجڑ کو زخمی اور نازک حالت میں سول اسپتال بدین منتقل کردیا گیا۔ حادثے کی شکار گاڑی میں موجود 25 بکریاں بھی مرگئیں۔ ایدھی ذرائع کے مطابق حادثہ تیز رفتاری اور اوور لوڈنگ کے باعث پیش آیا ہے۔