بلاول بھٹوزرداری کا پنجاب کے سیلاب زدہ علاقوں کے دورے کا فیصلہ

دورہ پنجاب کے موقع پر صوبائی حکومت کا بلاول بھٹو کو فول پروف سکیورٹی دینے کا فیصلہ ۔ فوٹو: فائل

---

پیپلزپارٹی کے چیرمین بلاول بھٹو زرداری پنجاب کے سیلاب زدہ علاقوں کا دورہ کریں گے۔

ایکسپریس نیوز کےمطابق پیپلزپارٹی کے چیرمین بلاول بھٹو زرداری نے پنجاب کے سیلاب زدہ علاقوں کا دورہ کرنے کا فیصلہ کیا ہے تاہم سکیورٹی کلیئرنس نہ ملنے پر ان کا دورہ دو علاقوں تک محدود کردیا گیا ہے۔ ذرائع کے مطابق بلاول بھٹو زرداری اپنے والد سابق صدر آصف زرداری کے ہمراہ جمعہ یا ہفتہ کو لاہور جائیں گے جس کے بعد وہ صوبے کے سیلاب سے متاثرہ علاقے چنیوٹ اور ملتان کا دورہ کریں گے اور اس دوران سندھ کی جانب سے بھیجی جانے والی امداد متاثرین میں تقسیم کریں گے۔

دوسری جانب حکومت پنجاب نے بھی بلاول بھٹوزرداری کے دورے کے موقع پر انہیں فول پروف سکیورٹی دینے کا فیصلہ کیا ہے۔