ایم کیوایم کے قائد الطاف حسین کی 61 ویں سالگرہ آج منائی جارہی ہے

الطاف حسین کی سالگرہ کے سلسلے میں نائن زیرو پر آج تقریب کا بھی انعقاد کیا جائے گا، فوٹو:فائل

---

متحدہ قومی موومنٹ کے قائد الطاف حسین کی 61 ویں سالگرہ آج منائی جارہی ہے اور اس موقع پرایم کیوایم کے مرکز نائن زیرو کو برقی قمقموں سے سجایا گیا ہے۔

ایم کیوایم کے قائد الطاف حسین کی 61 ویں سالگرہ کے موقع پر کراچی میں متحدہ قومی موومنٹ کے مرکز عزیز آباد نائن زیرو اور اس کے اطراف کی گلیوں کو برقی قمقموں سے سجایا گیا ہے، رات گئے ایم کیو ایم رابطہ کمیٹی کے اراکین ، پارٹی ذمہ داران اور کارکنان کی بڑی تعداد نائن زیرو پر موجود تھی جہاں انہوں نے الطاف حسین کو سالگرہ کی مبارکباد دی اور پارٹی قائد کے لیے نیک خواہشات کا اظہار کیا جبکہ اس موقع پر نائن زیرو پر جشن کا سماں رہا۔

الطاف حسین کی سالگرہ کے سلسلے میں نائن زیرو پر آج تقریب کا بھی انعقاد کیا جائے گا جس میں ان کی سالگرہ کا کیک کاٹا جائے گا اور ان کی صحت یابی کے لیے خصوصی دعائیں بھی کی جائیں گی۔