کراچی رابطہ کمیٹی نے پی پی پی کو دیا گیا الٹی میٹم واپس لے لیا

اس سے قبل ایم کیو ایم کی رابطہ کمیٹی نے مطالبات کی منظوری کے لیے پی پی کو 3 دن کا الٹی میٹم دیا تھا۔ فوٹو فائل

---

ایم کیو ایم کی رابطہ کمیٹی نے الطاف حسین کی ہدایت پر مطالبات کی منظوری کے لیے پیپلز پارٹی کو دیا گیا 3 دن کا الٹی میٹم واپس لے لیا ہے۔

ایکسپریس نیوز کے مطابق صدر آصف علی زرداری نے ایم کیو ایم کے قائد الطاف حسین سے ٹیلی فون پر رابطہ کیا اور بلدیاتی نظام سے متعلق تمام معاملات طے شدہ فارمولے کے تحت حل کرانے کی یقین دہانی کرائی۔

اس سے قبل ایم کیو ایم کی رابطہ کمیٹی نے مطالبات کی منظوری کے لیے پی پی پی کو 3 دن کا الٹی میٹم دیا تھا اور کہا تھا کہ بلدیاتی نظام سے متعلق ان کے مطالبات پورے نہ کیے گئے تو وہ حکومت سے الگ ہوکر اپوزیشن بینچوں پر بیٹھیں گے۔