فلم اسٹار نور کی وجہ سے گلوکار علی حیدر اور ولی حامد میں جھگڑا

ولی حامد کو برداشت نہ ہوا اور وہ نور کو پکڑ کر دور لے گیا، آرگنائزرز نے معاملہ رفع دفع کیا۔ فوٹو: فائل

---

فلم اسٹار نور کی وجہ سے پاپ اسٹارعلی حیدر اور پٹیالہ گھرانہ کے ولی حامد علی کے درمیان امریکا میں جھگڑا ہوگیا۔

معلوم ہوا ہے کہ علی حیدر اور نور ماضی میں بہت اچھے دوست تھے جب کہ اب نور اور ولی کے درمیان '' گہری'' دوستی ہے لیکن امریکی ریاست ہیوسٹن میں ہونے والے جشن آزادی پروگراموں میں جہاں راگا بوائز اور نور ایک ساتھ پرفارم کررہے تھے، وہیں علی حیدرکو بھی مدعو کیا گیا تھا۔ اس دوران جب ایک مقام پر اداکارہ نور نے علی حیدر کو دیکھا تو وہ ان سے ملنے کے لیے گئیں تو یہ بات ولی کو برداشت نہ ہوئی۔ اس موقع پرولی نے نور کا ہاتھ پکڑا اورعلی حیدر سے دور لے گئے۔

اس دوران پہلے ولی اور نور کے درمیان تلخ کلامی ہوئی اور بعد میں علی حیدر اور ولی کے درمیان سخت جملوں کا تبادلہ ہوا۔ اس موقع پر پروموٹر وشو آرگنائزرز نے معاملہ رفع دفع کروایا۔ علی حیدر نے ''ایکسپریس'' کو بتایا کہ نور سے بہت پرانی دوستی ہے اور انھوں نے جب مجھے شو میں دیکھا تو انھوں نے مجھے گلے لگا لیا۔ واضح رہے کہ ماہ رمضان کے دوران لاہور میں ہونے والی ایک افطار تقریب میں اداکارہ نور اور ولی کے درمیان اس وقت ناراضگی ہوئی تھی جب ولی اور اداکارہ لیلیٰ کی ملاقات ہوئی تھی۔