عبدالرشید قتل کیس میں پرویزمشرف کی حاضری سے استثنیٰ کی درخواست مسترد
14 اکتوبر کو پرویز مشرف پیش نہ ہوئے تو پھر ان کے ضامنوں کے خلاف کارروائی ہوگی، عدالتی حکم
اگر آئی جی اسلام آباد سیکیورٹی کی یقین دہانی کرائیں تو پرویز مشرف عدالت آجائیں گے، وکیل کا موقف فوٹو: فائل
عدالت نے عبدالرشید قتل کیس میں سابق صدر پرویزمشرف کی حاضری سے استثنیٰ کی درخواست مسترد کرتے ہوئے انہیں 14 اکتوبر کو طلب کرلیا۔
اسلام آباد میں ایڈیشنل اینڈ سیشن عدالت کے جج واجد علی نے عبدالرشید قتل کیس کی سماعت کی۔ سماعت کے دوران سابق صدر پرویز مشرف کے وکلا نے اپنے موکل کی عدالت میں حاضری سے استثنیٰ کے لئے ان کی میڈیکل رپورٹ پیش کی۔ جس میں کہا گیا کہ پرویزمشرف کمر کی تکلیف میں مبتلا ہیں، معالج نے انہیں سفر سے منع کررکھا ہے، انہوں نے کہا کہ اگر آئی جی اسلام آباد پرویز مشرف کی سیکیورٹی کی یقین دہانی کرائیں تو وہ عدالت آجائیں گے۔
سابق صدر کے وکلا کی درخواست کے خلاف استغاثہ نے اپنے دلائل میں کہا کہ سابق صدر کے وکلا کی جانب سے پیش کی گئی میڈیکل رپورٹ کی اہمیت کاغذ کے ٹکرے سے زیادہ نہیں کیونکہ اس میں نہ تو کسی اسپتال کا نام درج ہے اور نہ ہی شہر کا نام لکھا گیا ہے اس لئے اس رپورٹ کو مسترد کیا جائے اور ملزم کو طلب کیا جائے، عدالت نے دلائل سننے کے بعد پرویزمشرف کی حاضری سے استثنیٰ کی درخواست مسترد کرتے ہوئے قرار دیا کہ اگر 14 اکتوبر کو پرویز مشرف پیش نہ ہوئے تو پھر ان کے ضامنوں کے خلاف کارروائی ہوگی۔
اسلام آباد میں ایڈیشنل اینڈ سیشن عدالت کے جج واجد علی نے عبدالرشید قتل کیس کی سماعت کی۔ سماعت کے دوران سابق صدر پرویز مشرف کے وکلا نے اپنے موکل کی عدالت میں حاضری سے استثنیٰ کے لئے ان کی میڈیکل رپورٹ پیش کی۔ جس میں کہا گیا کہ پرویزمشرف کمر کی تکلیف میں مبتلا ہیں، معالج نے انہیں سفر سے منع کررکھا ہے، انہوں نے کہا کہ اگر آئی جی اسلام آباد پرویز مشرف کی سیکیورٹی کی یقین دہانی کرائیں تو وہ عدالت آجائیں گے۔
سابق صدر کے وکلا کی درخواست کے خلاف استغاثہ نے اپنے دلائل میں کہا کہ سابق صدر کے وکلا کی جانب سے پیش کی گئی میڈیکل رپورٹ کی اہمیت کاغذ کے ٹکرے سے زیادہ نہیں کیونکہ اس میں نہ تو کسی اسپتال کا نام درج ہے اور نہ ہی شہر کا نام لکھا گیا ہے اس لئے اس رپورٹ کو مسترد کیا جائے اور ملزم کو طلب کیا جائے، عدالت نے دلائل سننے کے بعد پرویزمشرف کی حاضری سے استثنیٰ کی درخواست مسترد کرتے ہوئے قرار دیا کہ اگر 14 اکتوبر کو پرویز مشرف پیش نہ ہوئے تو پھر ان کے ضامنوں کے خلاف کارروائی ہوگی۔