مناسب تشہیر کے لیے ’’سونالی کیبل‘‘ کی ریلیز میں مزید تاخیر

فلم کی ہیروئن ریحا چکروتی کی طرف سے تشہیر کی تاریخ دینے کے منتظر ہیں، پروڈیوسرز۔ فوٹو: فائل

---

عوامی سطح پر نئی فلم ''سونالی کیبل'' کی مناسب تشہیر نے ہونے پر فلمسازوں نے اس فلم کی ریلیز کو اپنی مقررہ تاریخ سے ایک بار پھر روک دیا ہے۔

ڈائریکٹر شارودت اچاریہ کی اس فلم کو رمیش سپی انٹرٹینمنٹ کے بینر تلے پروڈیوس کیا جا رہا ہے جس میں بمبے مانیا پروڈکشن پرائیویٹ لمیٹڈ کا بھی تعاون ہے اور اب اس فلم کو 17 اکتوبر کو سینما گھروں کی زینت بنایا جائے گا جب کہ اس سے قبل اس فلم کی ریلیز ایک ہفتہ قبل کی جانی تھی۔

فلمساز روہن سپی نے کہا ہے کہ ہم اس فلم کی ریلیز کو تبدیل کر رہے ہیں' جب ایک سپر اسٹار جیسا کہ شاہ رخ خان اپنی فلم کی تشہیر کے لیے مختلف ذرائع استعمال کر کے سب کچھ کر رہے ہیں تو ہماری فلم ''سونالی کیبل'' کے ''نوجوان اداکاروں'' کو بھی اپنی اس فلم کی بہتر تشہیر کے لیے ہماری مدد کرنا ہوگی اور اب ہم اس فلم کی اسٹار ریچا چکروتی کے منتظر ہیں جو کہ ان دنوں فلم ''بینک چور '' کی شوٹنگ میں مصروف ہیں' فلم کی تشہیر کے لیے ریحا کی فراغت والے دنوں کا انتظار ہے۔