کراچی میں فائرنگ سے خاتون سمیت 2 افراد جاں بحق 90 ملزمان گرفتار

پولیس نے مختلف علاقوں میں چھاپے مار کر 90 جرائم پیشہ افراد کو گرفتار کرکے ان کے قبضے سے اسلحہ برآمد کرلیا۔ فوٹو:فائل

---

DUBAI: شہر قائد میں فائرنگ کے واقعات میں خاتون سمیت 2 افراد جاں بحق ہوگئے جب کہ پولیس نے مختلف علاقوں سے 90 جرائم پیشہ افراد کو گرفتار کرکے اسلحہ، منشیات اور دیگر سامان قبضےمیں لےلیا۔

ایکسپریس نیوز کے مطابق نارتھ کراچی کے علاقے سیکٹر فائیو سی تھری میں بینک کا کیشئر 40 سالہ نعیم اپنے بچوں کو اسکول چھوڑ کر واپس جارہا تھا کہ موٹر سائیکل سوار ملزموں نے فائرنگ کرکے قتل کردیا مقتول اسی علاقے کا رہائشی اور 2 بچوں کا باپ تھا جب کہ صدر پارکنگ پلازہ کے قریب موٹر سائیکل سوار 2 ملزموں نے فائرنگ کرکے خاتون کو قتل کردیا مقتولہ کی شناخت نہیں ہوسکی۔

دوسری جانب پولیس نے مختلف علاقوں میں چھاپے مار کر 90 جرائم پیشہ افراد کو گرفتار کرلیا۔ ملزمان کے قبضے سے مختلف اقسام کے 40 ہتھیار، منشیات اور مسروقہ سامان بھی برآمد ہوا ہے۔ پولیس کی جانب سے گرفتار کئے گئے ملزموں میں ٹارگٹ کلر، بھتہ خور، اشتہاری، مفرور اور ڈکیت بھی شامل ہیں۔