ہنگو میں گاڑی پر فائرنگ سے جے یو آئی ف کے رہ نما مولانا شیر عالم جاں بحق

ہنگو میں ہی گزشتہ سال انتخابات کے بعد رکن صوبائی اسمبلی فرید خان کو جاں بحق کردیا گیا تھا فوٹو: فائل

---

تورہ گنڈی میں دہشت گردوں کی گاڑی پر فائرنگ سے جمعیت علمائے اسلام (ف) کے رہ نما مولانا شیر عالم جاں بحق ہوگئے۔

ایکسپریس نیوز کے مطابق ہنگو میں جمیعت علمائے اسلام (ف) کے نائب امیر مولانا شیر عالم فاروقی اپنی گاڑی میں گھر سے مدرسے کی جانب جا رہے تھے کہ تورہ غنڈی کے مقام پر نامعلوم افراد نے ان کی گاڑی پر فائرنگ کردی، واقعے کے نتیجے میں مولانا شیر عالم فاروقی موقع پر ہی جاں بحق ہوگئے، مقتول کی لاش کو ڈسٹرکٹ اسپتال منتقل کردیا گیا جہاں قانونی کارروائی کے بعد میت لواحقین کے حوالے کردی گئی۔

واضح رہے کہ ہنگو میں ہی گزشتہ سال انتخابات کے بعد علاقے سے منتخب ہونے والے رکن صوبائی اسمبلی فرید خان بھی ٹارگٹ کلنگ کے نتیجے میں جاں بحق ہوگئے تھے۔