حکمرانوں کا انقلابیوں کے ہاتھوں ہی خاتمہ ہوگا ڈاکٹرطاہرالقادری

عوامی تحریک کے سربراہ ڈاکٹر طاہرالقادری کا کہنا ہے کہ حکمران عوام کو ذبح کر رہے ہیں اور ان میں ملک چلانے کی اہلیت نہیں لیکن حکمرانوں کا انقلابیوں کے ہاتھوں ہی خاتمہ ہوگا۔

اسلام آباد کے ڈی چوک پر انقلاب مارچ کے شرکا سے خطاب کرتے ہوئے ڈاکٹر طاہرالقادری کا کہنا تھا کہ اللہ کی مدد سے انقلاب آخری مراحل میں داخل ہوچکا ہے، حکمرانوں کی موجودہ پارلیمنٹ آئین اور جمہوریت کا قبرستان ہے۔ انہوں نے کہا کہ ملک میں کرپشن اور بربادی عروج پر ہے جبکہ حکمران ملک کو لوٹ کر کھاگئے اور انہیں کوئی شرم بھی نہیں آئی۔

ڈاکٹر طاہرالقادری کا کہنا تھا کہ حکمرانوں کے پاس نہ دماغ ہے اور نہ صلاحیت جبکہ پنجاب میں لگایا جانے والا ونڈ پاور پروجیکٹ وزریراعلی پنجاب شہباز شریف کا بیٹا لگا رہا ہے،ا نہوں نے کارکنوں کو ہدایت کی کہ وہ اسلام آباد دھرنا ادھورا چھوڑ کر نہ جائیں کیونکہ حکومت کے عزائم بہت غلط ہیں اور بہت جلد انقلاب کا سورج طلوع ہونے والا ہے۔