پریانکا چوپڑا سوشل میڈیا پر بالی ووڈ اداکاراؤں میں سب سے آگے

بالی ووڈ اداکارہ پریانکا چوپڑا کے سماجی رابطوں کی ویب سائٹ پر چاہنے والوں کی تعداد 70 لاکھ سے تجاوز کر گئی ہے۔

بھارتی میڈیا رپورٹس کے مطابق پریانکا چوپڑا کے سوشل میڈیا سائٹ ٹویٹر پر چاہنے والوں کی تعداد 70 لاکھ سے بھی تجاوز کر گئی ہے۔ پریانکا چوپڑا نے اپنے چاہنے والوں کو 7 لاکھ فالو وورز مکمل ہونے پر مبارکباد دی اور ان کا شکریہ بھی ادا کیا. بالی ووڈ اداکارہ کا کہنا تھا کہ آپ لوگوں کے بے حد پیار کی وجہ سے ہماری سوشل میڈیا فیملی دن بدن بڑھتی جا رہی ہے۔

واضح رہے کہ پریانکا چوپڑا نے 2009 میں ٹویٹر کا استعمال شروع کیا تھا اور بالی ووڈ سپراسٹارز میں زیادہ فالوورز رکھنے والوں میں ان کا نمبر پانچواں ہے۔ پہلا نمبر امیتابھ بچن کا ہے جن کے چاہنے والوں کی تعداد ایک کروڑ کے لگ بھگ ہے جب کہ شاہ رخ کے چاہنے والوں کی تعداد 90 لاکھ 4ہزار ہے۔ عامر خان 80لاکھ 46ہزار فالوورز کے ساتھ تیسرے اور سلمان خان 80 لاکھ 28 ہزار چاہنے والوں کے ساتھ چوتھے نمبر پر ہیں۔