ایشین گیمز میں پاکستانی باکسر محمد وسیم نے کوارٹر فائنل کے لئے کوالیفائی کرلیا

محمد وسیم نے جنوبی کوریا کے چنگل ری کو ایک کے مقابلے 2 راؤنڈ سے شکست دی۔ فوٹو: فائل

---

ایشین گیمز میں باکسنگ کے 52 کلو گرام کیٹیگری میں پاکستان کے محمد وسیم نے جنوبی کوریا کے باکسر کو ہرا کر کوارٹر فائنل کے لئے کوالیفائی کرلیا۔

جنوبی کوریا کے شہر انچیون میں جاری ایشین گیمز کے باکسنگ ایونٹ کی 52 کلو گرام کیٹیگری میں پاکستان کے محمد وسیم کا مقابلہ جنوبی کوریا کے باکسر چنگل ری سے تھا، پورے مقابلے میں قومی باکسر کا پلڑا بھاری رہا اور محمد وسیم نے اپنے حریف کو ایک کے مقابلے 2 راؤنڈ سے شکست دیتے ہوئےکوارٹر فائنل کے لئے کوالیفائی کرلیا۔

واضح رہے کہ باکسنگ ہیوی ویٹ 91 کلو گرام مقابلوں میں پاکستان کے ثناء اللہ بھی کوارٹر فائنل میں جگہ بناچکے ہیں۔