RAWALPINDI: بالی ووڈ میں اداکاری کے حوالے سے تیزی سے کامیابی کی سیڑھیاں چڑھتے اداکار رنبیر کپور آج 28 ستمبر کو اپنی 32ویں سالگرہ منائیں گے۔

بالی ووڈ کے چاکلیٹی ہیرو رنبیر کپور 28 ستمبر 1982 ء کو ممبئی میں پیدا ہوئے، رنبیر بالی ووڈ کی مشہور جوڑی رشی کپور اور نیتو سنگھ کے اکلوتے بیٹے ہیں۔ رنبیر کپور نے 2007ء میں سنجے لیلا بنسالی کی فلم ''سانوریا '' سے اپنے کیریئر کا آغاز کیا جس میں اداکاری پر رنبیر کپور کو فلم فیئربیسٹ میل ڈیبیو کے ایوارڈ سے نوازا گیا۔ رنبیر کپور کی آنے والی فلموں میں'' رائے، بومبے ویلوٹ اور جگا جاسوس'' شامل ہیں جوآئندہ برس ریلیز کی جائیں گی۔