ہالی ووڈ سپراسٹار جارج کلونی لبنانی دوشیزہ کے ساتھ شادی کے بندھن میں بندھ گئے

53 سالہ کلونی اور 36 سالہ لبنانی دوشیزہ امل علم دین جو کہ انسانی حقوق کی وکیل بھی ہیں ہفتے کی رات شادی کے بندھن میں بندھے، فائل فوٹو

---

بالاخرہالی وڈ کے معروف اداکار جارج کلونی لبنانی دوشیزہ اور انسانی حقوق کی وکیل امل عَلم دین کے ساتھ شادی کے بندھن میں بندھ گئے۔

53 سالہ کلونی اور 36 سالہ لبنانی دوشیزہ امل علم دین جو کہ انسانی حقوق کی وکیل بھی ہیں ہفتے کی رات شادی کے بندھن میں بندھے،شادی کی تقریب اٹلی کے خوبصورت شہر وینس میں ہوئی، کلونی نے شادی کی مرکزی تقریب کو دنیا سے چھپا کررکھا اور ہفتے کی رات جارج کے ترجمان نے ان کے مداحوں کو شادی کی خوش خبری سنائی۔

اداکارجارج کلونی کشتیوں میں بارات لے کر اپنی دلہنیا کو لینے وینس کے مقامی ہوٹل پہنچے جب کہ اس موقع پر مداحوں کی بڑی تعداد دریا کے کنارے اپنے پسندیدہ فنکار کی بارات کا حسین منظر دیکھنے کے لیے موجود تھی۔