کولکتا نائٹ رائیڈرز کے سنیل نارائن کا بولنگ ایکشن بھی مشکوک قرار

ایکشن پر اعتراض کے بعد چیمپئنز لیگ انتظامیہ نے سنیل نارائن کو وارننگ لسٹ میں شامل کرلیا ہے تاہم ان ان کی بولنگ پر پابندی نہیں لگائی گئی ہے۔ فوٹو: بی سی سی آئی

---

چیمپئنز لیگ میں کولکتا نائٹ رائیڈرز کی نمائندگی کرنے والے اسپن بولر سنیل نارائن کا بولنگ ایکشن بھی مشکوک قرار دے دیا گیا۔

ایکسپریس نیوز کے مطابق چیمپئنز لیگ میں کولکتا نائٹ رائیڈرز اور ڈولفنز کے درمیان ہونے والے میچ میں امپائرز نے سنیل نارائن کے بولنگ ایکشن پر اعتراض کیا جس کے بعد چیمپئنز لیگ انتظامیہ نے انہیں وارننگ لسٹ میں شامل کرلیا ہے تاہم ان ان کی بولنگ پر پابندی نہیں لگائی گئی ہے۔

واضح رہے کہ اس سے قبل چیمپئنز لیگ میں پاکستان کی نمائندہ ٹیم لاہور لائنز کے کپتان محمد حفیظ اور عدنان رسول کے بولنگ ایکشن کو بھی مشکوک قرار دیا جاچکا ہے۔