آئندہ 2 سال میں الیکٹرانک ووٹنگ مشین متعارف کرادی جائے گی الیکشن کمیشن
پارلیمنٹ کو60 دن میں بائیو میٹرک سسٹم کیلئے قانون سازی کی درخواست کی ہے، سیکرٹری الیکشن کمیشن۔ فوٹو: فائل
الیکشن کمیشن نے آئندہ 2 سال میں الیکٹرانک ووٹنگ مشین کے استعمال کا اعلان کیا ہے۔
ایکسپریس نیوز کے مطابق سیکرٹری الیکشن کمیشن اشتیاق احمد کا کہنا تھا کہ انتخابات کے دوران الیکٹرانک ووٹنگ مشین کا استعمال ناگزیر ہوچکا ہے جبکہ بیلٹ پیپرز سے متعلق کئی مسائل نے جنم لیا جس کے خاتمے کے لئے الیکٹرانک ووٹنگ مشینیں ضروری ہیں۔ انہوں نے کہا کہ قومی مفاد کی خاطر اخراجات کرنا ہوں گے جبکہ پارلیمنٹ کو 60 دن میں بائیو میٹرک سسٹم کے لئے قانون سازی کی درخواست کی ہے جس کے بعد 6 مہینے میں پائلٹ پروجیکٹ شروع کردیں گے۔
واضح رہے کہ سیاسی جماعتوں کی جانب سے عام انتخابات میں دھاندلی کے الزامات کے بعد الیکشن کمیشن نے آئندہ انتخابات الیکٹرانک ووٹنگ مشین کے ذریعے کرانے کا فیصلہ کیا ہے جس کے لئے قانون سازی کرنا ہوگی۔