فلم ’’بینگ بینگ‘‘ میں اداکاری مشکل تھی لیکن سین کی ڈیمانڈ کے مطابق کردارادا کیا کترینہ کیف

کترینہ کیف اور رتیک روشن کی فلم بینگ بینگ 2 اکتوبر کو سینما گھروں کی زینت بنے گی۔ فوٹو : فائل

---

بالی ووڈ باربی ڈول کترینہ کیف کا کہنا ہے کہ ان کی نئی آنے والی فلم ''بینگ بینگ'' میں اداکاری بہت ہی مشکل کام تھا تاہم سین کی ڈیمانڈ کے مطابق اپنا کرداراداکیاہے۔

بھارتی میڈیا کے مطابق کترینہ کیف کا کہنا تھا کہ فلم بینگ بینک کے لئے دنیا کے7 مختلف ممالک میں مشکل مناظر عکس بند کرائے، 140 کروڑ روپے کی لاگت سے بننے والی فلم کی کامیابی کے لئے ایک سال تک اپنی ٹیم کے ساتھ خوب محنت سے کام کیا، کترینہ کا کہنا تھا کہ میں نے سین کی ضرورت کے مطابق جہاں پر جس طرح کا کام درکار تھا ویسا ہی کیا، میرے لئے بہت ہی مشکل فلم تھی اور فلم کی شوٹنگ کے لئے جو کچھ ہو سکتا تھا وہ کیا اور جب لوگ 2اکتوبرکو فلم دیکھنے سینما جائیں گے تو انہیں اس کا اندازہ ہوجائے گا۔

کترینہ کیف نے کہا کہ بینگ بینگ کا ٹریلر دیکھنے سے یہ ایکش فلم معلوم ہوتی ہے لیکن حقیقت میں یہ ایک ''لو اسٹوری'' فلم ہے۔ ان کا کہنا تھا کہ فلم میں جس چیز نے مجھے سب سے زیادہ متاثر کیا ہے وہ یہ ہے کہ بینگ بینگ میں ایکشن کے ساتھ اس کی اسٹوری بھی بہت اچھی ہے۔