تحریک انصاف والے شیروں کے ساتھ جھگڑا مول نہ لیں مریم نوازکا ٹوئٹرپیغام

(ن) لیگ کے کارکن اب تحریک انصاف کی تخریبی کارروائیوں سے تنگ آگئے ہیں، مریم نواز فوٹو:فائل

---

مسلم لیگ (ن) کی رہنما اور وزیراعظم نوازشریف کی صاحبزادی مریم نواز کا کہنا ہے کہ تحریک انصاف والے شیروں کے ساتھ جھگڑا مول نہ لیں اگر جیسے کو تیسا رد عمل ہوا تو پی ٹی آئی کو چھپنے کی بھی جگہ نہیں ملے گی۔

ایکسپریس نیوز کے مطابق سماجی ویب سائٹ ٹوئٹر پر دیئے گئے پیغام میں مریم نواز کا کہنا تھا کہ گو نواز گو کے نعروں کا ٹریلر وزیرآباد میں دیکھ لیا ہے اس لیے شیروں کے ساتھ جھگڑا نہ مول نہ لیا جائے اور ہماری تحمل و مہذبانہ پالیسی کو کمزوری نہ سمجھا جائے۔ وزیراعظم کی صاحبزادی کا کہنا تھا کہ (ن) لیگ کے کارکن اب تحریک انصاف کی تخریبی کارروائیوں سے تنگ آگئے ہیں اس لیے اگر جیسے کو تیسا رد عمل ہوا تو تحریک انصاف والوں کو چھپنے کی بھی جگہ نہیں ملے گی۔

Seems PMLN workers have had enough of PTI vandalism. A tit for tat response & PTI won't find a place to hide. Saw trailer in Wazirabad today

— Maryam Nawaz Sharif (@MaryamNSharif) October 1, 2014

واضح رہے کہ آج وزیراعظم نوازشریف وزیرآباد کے سیلاب متاثرین میں امدادی سامان کی تقسیم کے لیے پہنچے تھے جہاں ان کی روانگی کے بعد بعض متاثرین کی جانب سے گو نوازگو کے نعرے لگائے جس کے رد عمل میں (ن) لیگی ایم پی اے توفیق بٹ نے متاثرین پر تشدد کیا اور الزام عائد کیا کہ نعرے لگانے والے تحریک انصاف کے کارکن تھے۔