کراچی میں پولیس موبائل اور تھانے پر دستی بم حملہ 2اہلکاروں سمیت 4افراد زخمی

دونوں زخمی پولیس اہلکاروں کو اسپتال منتقل کردیا گیا ہے، فائل فوٹو

---

شہر قائد میں پولیس ایک بار پھر دہشت گردوں کے نشانے پر آگئی جہاں موبائل اور تھانے پر دستی بم حملوں کے نتیجے میں 2 اہلکاروں سمیت 4افراد زخمی ہوگئے۔

ایکسپریس نیوز کے مطابق پہلا دستی بم حملہ عیسیٰ نگری کے قریب کھڑی محافظ پولیس موبائل پرکیا گیا جس کے نتیجے میں 2 اہلکار زخمی ہوگئے جنہیں فوری طبی امداد کے لئے قریبی اسپتال منتقل کردیا گیا جبکہ دوسرا دستی بم حملہ ٹیپو سلطان تھانے پر کیا گیا جس کے نتیجے میں تھانے کی دیوار کو جزوی نقصان پہنچا جب کہ حملے میں 2افراد بھی زخمی ہوئے۔