پشاور میں گاڑی میں دھماکے سے 7 افراد جاں بحق 7 زخمی

ملک میں گاڑیوں میں نصب غیر معیادی سلنڈر کے باعث ہر سال درجنوں افراد جاں بحق اور زخمی ہو جاتے ہیں۔ فوٹو؛ ایکسپریس نیوز

---

بازید خیل میں گاڑی میں دھماکے کے نتیجے میں 7 افراد جاں بحق جب کہ 7 افراد زخمی ہو گئے۔

ایکسپریس نیوز کے مطابق پشاور کے علاقے بازید خیل میں گاڑی کا سلنڈر روز دار دھماکے سے پھٹ گیا جس کے نتیجے میں 7 افراد جاں بحق اور7 زخمی ہو گئے۔ امدادی ٹیموں کے اہلکاروں نے دھماکے میں زخمی ہونے والوں کو فوری طور پر قریبی اسپتال منتقل کیا جہاں انھیں طبی امداد دی جا رہی ہے۔

دوسری جانب پولیس حکام کا کہنا ہے کہ دھماکا خیز مواد گاڑی میں نصب کیا گیا تھا جسے ریموٹ کنڑول کی مدد سے اڑایا گیا۔ پولیس کا کہنا ہے کہ جائے وقوعہ سے شواہد اکٹھے کر کے دھماکے کی تحقیقات کا آغاز کر دیا گیا ہے۔