عید الاضحیٰ کے موقع پر کراچی کے لئے سی این جی کا شیڈول جاری

فیصلہ عوام کی سہولت کو مد نظر رکھتے ہوئے کیا گیا ہے ، ترجمان سوئی سدرن گیس فوٹو:فائل

---

سوئی سدرن گیس کمپنی نے عید الاضحیٰ کے موقع پر شہرقائد کے لیے سی این جی کا شیڈول جاری کردیا ہے۔

ایکسپریس نیوز کے مطابق سوئی سدرن گیس کمپنی نے عیدالاضحیٰ پر کراچی کے لیے سی این جی کا شیڈول جاری کردیا ہے جس کے تحت عید کے موقع پر سی این جی اسٹیشن پورا ہفتہ کھلے رہیں گے۔ ترجمان کے مطابق یہ فیصلہ عوام کی سہولت کو مد نظر رکھتے ہوئے کیا گیا ہے جس کے تحت 6 اکتوبر کو عید کے پہلے سے روز سے 11 اکتوبر تک شہر کے سی این جی اسٹیشنز کھلے رہیں گے۔

واضح رہے کہ سی این جی کےعام شیڈول کے مطابق کراچی میں ہفتہ اور جمعرات کی صبح 8 بجے سے 24 گھنٹے کے لیے سی این جی کی فراہمی بند رکھی جاتی ہے جبکہ دوسری جانب کے الیکٹرک نے بھی عید کے تینوں روز کراچی میں لوڈشیڈنگ نہ کرنے کا اعلان کررکھا ہے۔