GILGIT: کلری کے قریب پرانی دشمنی پر فائرنگ کرکے 5 افراد کو قتل کردیا گیا۔

ایکسپریس نیوز کے مطابق چنیوٹ کےعلاقے کلری کے قریب کار میں سوار 5 افراد کو پرانی دشمنی کی بنا پر قتل کردیا گیا۔ پولیس کے مطابق مقتولین قادرآباد کے رہائشی تھے جو سرگودھا کی عدالت میں پیشی کے بعد گھر جارہے تھے کہ گھات لگائے مسلح ملزمان نے ان کی گاڑی پر اندھا دھند فائرنگ کردی جس کے نتیجے میں کار میں سوار پانچوں افراد موقع پر ہی جاں بحق ہوگئے۔ پولیس نے جاں بحق افراد کی لاشوں کو اسپتال منتقل کرکے ضابطے کی کارروائی شروع کردی ہے۔