عمران خان کا وزیراعظم کے استعفے کا خواب کبھی پورا نہیں ہوگا پرویز رشید

عمران خان اور ان کے لوگوں کو یاد دہانی کراتاہوں کہ آئندہ انتخابات 2018 میں ہوں گے، سینیٹر پرویزرشید، فوٹو: فائل

---

ISLAMABAD: وفاقی وزیر اطلاعات پرویز رشید نے کہا ہےکہ عمران خان کا وزیراعظم نوازشریف کے استعفے کا خواب کبھی پورا نہیں ہوگا۔

سرکاری خبر رساں ادارے کے مطابق وزیر اطلاعات سینیٹر پرویز رشید نے کہا کہ عمران خان کےنجومی روزانہ کوئی نہ کوئی پیش گوئی کرتے ہیں لیکن ان میں سے کوئی ایک پیش گوئی بھی اب تک درست ثابت نہیں ہوسکی ہے جبکہ عمران خان اور ان کے لوگوں کو یاد دہانی کراتاہوں کہ آئندہ انتخابات 2018 میں ہوں گے اور عمران خان کا وزیراعظم نوازشریف کے استعفے کا خواب کبھی پورا نہیں ہوگا۔