کراچی کے مختلف علاقوں میں رینجرز کا ٹارگٹڈ آپریشن 7 ملزمان گرفتار

گرفتار افراد کا تعلق کالعدم تنظیم سے ہے، ترجمان رینجرز، فوٹو: فائل

---

رینجرز نے شہر کے مختلف علاقوں میں ٹارگٹڈ آپریشن کرکے 7 ملزمان کو گرفتار کرلیا جبکہ ان کے قبضے سے اسلحہ بھی برآمد کیا گیا ہے۔

ترجمان رینجرز کے مطابق گلشن اقبال، پی ای سی ایچ ایس اور گلستان جوہر میں ٹارگٹڈ آپریشن کیا جس میں 7 ملزمان کو گرفتار کیا گیا ہے۔ ترجمان کا کہنا تھا کہ گرفتار کیے گئے افراد کا تعلق کالعدم تنظیم سے ہے جن کے قبضے سے ایس ایم چیز، رائفلز، ٹیلی اسکوپ، خنجر اور ہتھکڑیوں سمیت 25 ہتھیار برآمد ہوئے ہیں۔

واضح رہے کہ رینجرز نے گزشتہ روز بھی گلشن اقبال کے مختلف علاقوں میں کارروائی کرتے ہوئے 3 افراد کو گرفتار کیا تھا جبکہ آپریشن میں ایک مکان سے بھاری تعداد میں اسلحہ بھی برآمد کیا گیا تھا۔