بھارت کی بلااشتعال فائرنگ پر پاکستان کا اقوام متحدہ کے فوجی مبصرگروپ سے احتجاج

گزشتہ کئی روز بھارت کی جانب سے لائن آف کنٹرول اور ورکنگ باؤنڈری پر جنگ بندی کی خلاف ورزی کی جارہی ہے فوٹو: فائل

---

KARACHI: پاکستان نے گزشتہ کئی روز سے بھارت کی جانب سے بین الاقوامی سرحد اور لائن آف کنٹرول پر کی جانے والی بلااشتعال فائرنگ اور گولہ باری پر اقوام متحدہ کے فوجی مبصر گروپ سے احتجاج کیا ہے۔

پاک فوج کے شعبہ تعلقات عامہ ( آئی ایس پی آر ) کی جانب سے جاری بیان کے مطابق بھارت نے گزشتہ 2 روز میں متعدد بار لائن آف کنٹرول اور ورکنگ باؤنڈری پربلااشتعال فائرنگ کی جس سے 4 شہری شہید اور 26 زخمی ہوگئے جس پر پاکستان نے اقوام متحدہ کے فوجی مبصرگروپ سے احتجاج کیا ہے جس کے بعد فوجی مبصرگروپ متاثرہ علاقوں کا دورہ کرے گا.

واضح رہے کہ گزشتہ کئی روز سے بھارت کی جانب سے لائن آف کنٹرول اور ورکنگ باؤنڈری پر جنگ بندی کی خلاف ورزی کی جارہی ہے اور پاکستان کی جانب سے بھی اس کا بھرپورانداز میں جواب دیا جارہا ہے۔