کراچی میں فائرنگ سے جے یو آئی ف اوراہل سنت والجماعت کے مقامی رہنما سمیت 4 افراد جاں بحق

مولانا مسعود کی ٹارگٹ کلنگ کے بعد اہلسنت والجماعت کے کارکنوں نے ضیاالدین اسپتال سے کریم آباد جانے والی سڑک پر دھرنا دے دیا ۔ فوٹو: فائل

---

شہر قائد میں عید الاضحیٰ کے دوران بھی ٹارگٹ کلنگ کا سلسلہ جاری ہے اورفائرنگ کے مختلف واقعات کے دوران جے یو آئی (ف) اوراہل سنت والجماعت کے مقامی رہنما سمیت 4 افراد جاں بحق ہوگئے۔

ایکسپریس نیوز کے مطابق کراچی کے علاقے پیر آباد میں موٹر سائیکل پر سوار نامعلوم افراد نے فائرنگ کرکے جمعیت علمائے اسلام (ف) کے مقامی رہنما مولانا محمد ساجد کو جاں بحق کردیا، مولانا ساجد کی ٹارگٹ سے کچھ ہی دیر قبل نارتھ ناظم آباد میں بھی ٹارگٹ کلرز نے اہل سنت والجماعت کے رہنما مولانا مسعود کی زندگی چھین لی، واقعے کے بعد اہل سنت والجماعت کے کارکنوں نے ضیاالدین اسپتال سے کریم آباد جانے والی سڑک پر دھرنا دے دیا اس دوران مشتعل افراد کی جانب سے فائرنگ بھی کی گئی جس سے اطراف کے علاقوں میں خوف و ہراس پھیل گیا۔

عیسیٰ نگری کے قریب ہونے والی فائرنگ کی زد میں آکر ایک بچی ہلاک جب کہ سچل گوٹھ میں نامعلوم افراد کی فائرنگ سے ایک شخص جاں بحق اورایک زخمی ہوگیا۔