نیپال میں ہندو یاتریوں کی بس کھائی میں گرنے سے 29 افراد ہلاک 67 زخمی

ہندو یاتری مذہبی تہبوار منانے کیلئے جوگبڑا جا رہے تھے کہ بس ضلع دوتی میں گہری کھائی میں جا گری۔ فوٹو؛ رائٹرز/فائل

---

QUETTA: مذہبی تہوار منانے کے لئے جانے والوں کی بس کھائی میں گرنے سے 29 ہندو یاتری ہلاک اور درجنوں زخمی ہو گئے۔

غیر ملکی خبر رساں ادار ے کے مطابق ہندو یاتری مذہبی تہبوار منانے کے لئے نیپال کے علاقے دھن گاڑی سے جو گبڑا جا رہے تھے کہ ان کی گاڑی دارالحکومت کھٹمنڈو کے مغربی ضلع دوتی میں موڑ کاٹتے ہوئے گہری کھائی میں جا گری جس کے نتیجے میں 29 افراد ہلاک اور 67 زخمی ہو گئے۔ امدادی ٹیموں کے اہلکاروں نے زخمیوں کو فوری طور پر قریبی اسپتالوں میں منتقل کردیا جہاں ڈاکٹرز کے مطابق متعدد زخمیوں کی حالت تشویشناک ہونے کے باعث ہلاکتوں میں اضافے کا خدشہ ہے۔