کراچی میں فائرنگ سے ایک شخص جاں بحق حساس ادارے کے اہلکاروں سمیت 3 زخمی

میٹروول میں فائرنگ کرکے فرار ہونے والے افراد کے پاس سے ایک دستی بم بھی گرا جو پھٹ نہ سکا،پولیس فوٹو: فائل

---

شہر کے مختلف علاقوں میں فائرنگ سے ایک شخص جاں بحق جب کہ 2 سی آئی ڈی اہلکاروں سمیت 3 افراد زخمی ہوگئے۔

ایکسپریس نیوز کےمطابق لیاری کے علاقے چاکیواڑہ میں نامعلوم افراد کی فائرنگ سے ایک شخص جاں بحق ہوگیا جب کہ میٹروول میں نامعلوم مسلح افراد کی فائرنگ سے 2 سی آئی ڈی اہلکاروں سمیت 3 افراد زخمی ہوگئے۔ پولیس کے مطابق دونوں زخمی اہلکار سی آئی ڈی کے انسداد انتہا پسندی سیل میں تعینات تھے جن پر نامعلوم افراد نے اندھا دھند فائرنگ کی ، فرار ہوتے وقت ملزمان کے پاس سے ایک دستی بم بھی گرا جو پھٹ نہیں سکا جسے بم ڈسوزل اسکواڈ نے ناکارہ بنادیا۔