سوات میں سیکیورٹی فورسز کے سرچ آپریشن کے دوران جھڑپ میں 3 شدت پسند ہلاک

جھڑپ کے بعد علاقے کے داخلی اور خارجی راستوں کی کڑی نگرانی کی جارہی ہے۔ فوٹو: فائل

---

PESHAWAR: چار باغ میں مقامی امن کمیٹی کے رضاکار کے قتل کے بعد کئے گئے سرچ آپریشن کے دوران جھڑپ کے نتیجے میں 3 شدت پسند ہلاک ہوگئے۔

ایکسپریس نیوز کے مطابق سوات کی تحصیل چار باغ کےعلاقے منگل تان میں گزشتہ روز نامعلوم افراد کی فائرنگ سے امن کمیٹی کا رکن محمد ایوب خان جاں بحق ہوگئے تھے۔ واقعے کے سیکیورٹی فورسز نے علاقے میں سرچ آپریشن شروع کیا تو اس دوران سیکیورٹی اہلکاروں اور دہشت گردوں میں فائرنگ کا تبادلہ ہوا جس کے نتیجے میں 3 دہشت گرد ہلاک ہوگئے۔

جھڑپ کے بعد علاقے میں اب بھی سرچ آپریشن جاری ہے جبکہ علاقے کے داخلی اور خارجی راستوں کی بھی کڑی نگرانی کی جارہی ہے۔