وزیراعلیٰ پنجاب شہبازشریف نے کہا کہ ترک کمپنیاں پاکستان میں توانائی کے شعبے میں سرمایہ کاری کرکے فائدہ اٹھاسکتی ہیں۔
وزیراعلیٰ پنجاب شہبازشریف نے ترکی کے وزیر توانائی سے انقرہ میں ملاقات کی جس میں پنجاب میں توانائی کے مشترکہ منصوبے شروع کرنے اور توانائی کے متبادل ذرائع کے حصول پر تعاون کے حوالے سے بات چیت کی گئی۔
شہباز شریف نے کہا کہ توانائی کے بحران نے پاکستان کی معاشی، صنعتی اور زرعی ترقی پربرے اثرات مرتب کیے ہیں لہٰذا ترک کمپنیاں پاکستان میں توانائی کے شعبے میں سرمایہ کاری کر کے فائدہ اٹھاسکتی ہیں۔
اس موقع پرترک وزیرتوانائی نے کہا کہ ترک حکومت پنجاب میں توانائی کی ضروریات پوری کرنے کے لئے ہرممکن تعاون کرے گی۔