بھارتی فوج کی ورکنگ باؤنڈری پر بلااشتعال فائرنگ پاکستان کا بھی منہ توڑ جواب

گزشتہ ایک ماہ سے بھارتی فوج ورکنگ باؤنڈری اور لائن آف کنٹرول پر فائرنگ اور گولہ باری کررہی ہے، فوٹو: فائل

---

بھارتی فوج نے ایک مرتبہ پھر ورکنگ باؤنڈری پر بلااشتعال فائرنگ کی ہے اور چناب رینجرز نے بھی اس کا بھرپورجواب دیا ہے۔

آئی ایس پی آر کی جانب سے جاری بیان کے مطابق بھارتی فوج نے سیالکوٹ کے قریب پکھلیاں سیکٹرمیں بلااشتعال فائرنگ اور گولہ باری کی جس پر چناب رینجرز کی جانب سے بھی بھرپور جواب دیا گیا۔ بھارتی فائرنگ اور گولہ باری میں کسی بھی قسم کے جانی نقصان کی اطلاع نہیں ملی۔

واضح رہے کہ گزشتہ ایک ماہ سے بھارتی فوج ورکنگ باؤنڈری اور لائن آف کنٹرول پر جنگ بندی کی خلاف ورزی کرتے ہوئے بلااشتعال فائرنگ اور گولہ باری کا سلسلہ جاری رکھے ہوئے ہے اور پاک فوج اور رینجرز بھی اس کا بھرپور جواب دے رہی ہے۔