جلد ہماری باری آنیوالی ہے جھوٹا ٹولہ جانیوالا ہے عمران خان

آصف زرداری کی طرح پرچی پر پارٹی بیٹے کو منتقل نہیں کر سکتا کیونکہ یہ جمہوریت نہیں بادشاہت ہے، عمران خان

INP/Numainda Express October 20, 2014

جلد پارٹی الیکشن دوبارہ کرائیں گے جس میں کسی کو اعتراض نہیں ہو گا۔ عمران خان، فوٹو: ایکسپریس نیوز

تحریک انصاف کے چیئرمین عمران خان نے کہا ہے کہ جلد ہماری باری آنے والی ہے اور جھوٹا ٹولہ جانے والا ہے، تحریک انصاف میں دوبارہ الیکشن کرائیں گے، پرچی پر پارٹی بیٹے کو منتقل کرنا جمہوریت نہیں بادشاہت ہے۔

اتوار کو دھرنے میں عمران خان کے بیٹوں سلمان خان اور قاسم خان نے بھی شرکت کی۔ عمران خان نے پارٹی کا جھنڈا اتار کر اپنے بیٹے کے گلے میں ڈالتے ہوئے کہا کہ میں آصف زرداری کی طرح پرچی پر پارٹی بیٹے کو منتقل نہیں کر سکتا کیونکہ یہ جمہوریت نہیں بادشاہت ہے، اب جلد ہماری باری آنے والی ہے جھوٹا ٹولہ جانے والا ہے، اقتدار میں آ کر اقلیتوں کو طاقتور بنائیں گے، ان کی عبادت گاہوں پر قبضہ کرنا زیادتی ہے۔ عمران خان نے کہا کہ ہم جلد پارٹی الیکشن دوبارہ کرائیں گے جس میں کسی کو اعتراض نہیں ہو گا۔