ملک میں صوبے ضروربنیں گے اورسندھ میں بھی 3 نئے صوبوں کا قیام عمل میں آئے گا بابر غوری

پیپلزپارٹی کے دور میں ہی کراچی دشمنی کا آغاز ہوا، بابر غوریفوٹو:فائل

---

ایم کیوایم کے رہنما سینیٹر بابرغوری کا کہنا ہے کہ ملک میں ہر صورت صوبے بنیں گے اور اگر صوبے بنے تو سندھ میں بھی 3 نئے صوبے بنیں گے.

ایکسپریس نیوز کے مطابق سینیٹر بابرغوری نے کہا کہ جو لوگ کراچی کو حقوق دینے کی باتیں کررہے ہیں وہ ان گاڑیوں کو پیٹرول تک نہیں دے رہے جو شہر کا کچرا اٹھاتی ہیں جب کہ پیپلزپارٹی کے دور میں ہی کراچی دشمنی کا آغاز ہوا لیکن ہم نہ صرف شہر بلکہ سندھ کے ہاریوں کو بھی ان وڈیروں کی غلامی سے آزادی دلائیں گے۔ انہوں نے کہا کہ ملک میں اگر نئے صوبے بن جاتے تومشرقی پاکستان کبھی بھی بنگلا دیش نہ بنتا تاہم اب ملک میں ہر صورت صوبے بنیں گے اور اگر صوبے بنے تو سندھ میں بھی 3 نئے صوبوں کا قیام عمل میں آئے گا، صوبے بننے سے سندھ سمیت پورا پاکستان ترقی کرے گا اور لوگوں کے ان کے حقوق ملیں گے۔