او آئی سی گستاخانہ فلم اور خاکوں کےخلاف پاکستان کی قرارداد منظور

او آئی سی کے وزرائے خارجہ اجلاس میں گستاخانہ فلم اور خاکوں کےخلاف پاکستان کی قرارداد منظور۔


نیویارک میں او آئی سی وزرائے خارجہ کے اجلاس میں پاکستان کی طرف سے گستاخانہ خاکوں کے خلاف مذمتی قرار داد پیش کی گئی، جس میں توہین مذہب کے واقعات کی روک تھام کیلئے قانون سازی کی ضرورت پر زور دیا گیا، قرارداد میں گستاخانہ فلم اور خاکوں کو مسلمانوں کے خلاف نفرت ابھارنے کی کوشش قرار دیا گیا، اسلامی ممالک کے وزرائے خارجہ نے اظہار رائے کی آزادی کے نام پر اسلام کے خلاف مسلسل اقدامات پر تشویش کا بھی اظہار کیا۔

وزیرخارجہ حنا ربانی کھر نے پاکستانی قراداد کی منظوری کا خیرمقدم کیا، ان کا کہنا تھا کہ رکن ممالک پر زور دیا کہ وہ ایسے واقعات کے خلاف مناسب قانون سازی کریں، انہوں نے اسلامی ممالک میں اتحاد اور یکجہتی پر بھی زور دیا۔