دہلی کی شاہی مسجد کے امام سید احمد بخاری قاتلانہ حملے میں بال بال بچ گئے
حملہ آور نوجوان نے امام مسجد پر نماز مغرب کے دوران تیل کی بوتل پھینک کر آگ لگانے کی کوشش کی، بھائی شاہی امام
شاہی امام پر حملہ کرنے والے شخص کا نام کمال الدین ہے اور اس کی عمر 30 سال سے زائد ہے، مقامی میڈیا فوٹو: فائل
بھارت کی تاریخی شاہی مسجد کے امام سید احمد بخاری قاتلانہ حملے میں بال بال بچ گئے جب کہ حملہ آور کو گرفتار کرلیا گیا۔
بھارتی میڈیا کے مطابق سید احمد بخاری کے چھوٹے بھائی طارق بخاری کا کہنا تھا کہ حملہ آور نوجوان نے نماز مغرب کے دوران امام مسجد پر تیل کی بوتل پھینک کر انہیں آگ لگانے کی کوشش کی تاہم وہ ناکام رہا اور حملہ آور کو گارڈز اور نمازیوں نے بروقت پکڑ کر پولیس کے حوالے کردیا جبکہ سید احمد بخاری حملے میں محفوظ رہے۔ مقامی میڈیا کے مطابق حملہ آور کا نام کمال الدین اوراس کی عمر 30 سال سے زائد ہے جو مغربی بنگال کا رہائشی ہے۔
دوسری جانب مقامی پولیس کا کہنا ہے کہ حملہ آور سے تحقیقات کی جارہی ہیں جس کے بعد ہی حملے کی وجوہات کا تعین کیا جاسکے گا۔
بھارتی میڈیا کے مطابق سید احمد بخاری کے چھوٹے بھائی طارق بخاری کا کہنا تھا کہ حملہ آور نوجوان نے نماز مغرب کے دوران امام مسجد پر تیل کی بوتل پھینک کر انہیں آگ لگانے کی کوشش کی تاہم وہ ناکام رہا اور حملہ آور کو گارڈز اور نمازیوں نے بروقت پکڑ کر پولیس کے حوالے کردیا جبکہ سید احمد بخاری حملے میں محفوظ رہے۔ مقامی میڈیا کے مطابق حملہ آور کا نام کمال الدین اوراس کی عمر 30 سال سے زائد ہے جو مغربی بنگال کا رہائشی ہے۔
دوسری جانب مقامی پولیس کا کہنا ہے کہ حملہ آور سے تحقیقات کی جارہی ہیں جس کے بعد ہی حملے کی وجوہات کا تعین کیا جاسکے گا۔