خیبرایجنسی میں دہشتگردوں نے پرائمری اسکول دھماکے سے اڑا دیا

اکاخیل میں گورنمنٹ پرائمری اسکول میں دھماکاخیز نصب کیا گیا تاہم اسکول بند ہونے سے کوئی جانی نقصان نہیں ہوا۔ فوٹو؛فائل

---

KARACHI:

خیبرایجنسی میں دہشتگردوں نے گورنمنٹ پرائمری اسکول کو دھماکے سے تباہ کردیا۔

ایکسپریس نیوز کے مطابق خیبرایجنسی کے علاقے اکاخیل میں دہشتگردوں نے گورنمنٹ پرائمری اسکول میں دھماکا خیز مواد نصب کر کے اسے تباہ کردیا۔ مقامی پولیٹیکل انتظامیہ کے مطابق اسکول بند ہونے کے باعث خوش قسمتی سے کوئی جانی نقصان نہیں ہوا تاہم اسکول مکمل طور پر تباہ ہوگیا۔

واضح رہے کہ دہشتگردوں کی جانب سے ماضی میں بھی خیبرایجنسی سمیت فاٹا کے مختلف علاقوں میں اسکولوں کو تباہ کیا جاتا رہا ہے۔