فیڈرل بی ایریا کی گارمنٹس فیکٹری میں آتشزدگی کے باعث کروڑوں روپے کا سامان خاکستر

ابتدائی طور پر تو آگ کی وجہ شارٹ سرکٹ معلوم ہوتی ہے تاہم مکمل تحقیقات کے بعد ہی حتمی بیان جاری کیا جا سکتا ہے، فائر بریگیڈ حکام۔ فوٹو؛ ایکسپریس نیوز

---

لاہور: فیڈرل بی انڈسٹریل ایریا بلاک 21 میں واقع گارمنٹس فیکٹری میں لگنے والی آگ کے باعث کروڑوں روپے کا سامان جل کر خاکستر ہو گیا۔

ایکسپریس نیوز کے مطابق فیڈرل بی انڈسٹریل ایریا میں واقع گارمنٹس فیکٹری میں علی الصبح لگنے والی آگ پر قابو پا لیا گیا ہے تاہم آگ کو ٹھنڈا کرنے کا عمل جاری ہے۔ آشتزدگی کے باعث فیکٹری کی ایک دیوار مکمل طور پر منہدم ہو گئی جب کہ کروڑوں روپے کا سامان جل کر خاکستر ہو گیا۔

چیف فائر آفیسر احتشام الدین کا کہنا ہے کہ فیکٹری میں کپڑا اور کیمیکل ہونے کی وجہ سے آگ کی شدت میں اضافہ ہوا اور آگ پر قابو پانے کے لئے پانی کے ساتھ فوم کا استعمال بھی کیا گیا۔ ان کا کہنا تھا کہ ابتدائی طور پر تو آگ کی وجہ شارٹ سرکٹ معلوم ہوتی ہے تاہم مکمل تحقیقات کے بعد ہی حتمی بیان جاری کیا جا سکتا ہے۔