فواد خان نے مقبولیت میں امیتابھ بچن اور عامر خان کو بھی پیچھے چھوڑ دیا

ریٹنگ کے اعتبار سے سلمان خان پہلے، ہرتیک روش، شاہ رخ تیسرے اور اکشے کمار چوتھے نمبر پر ہیں۔ فوٹو:فائل

---

NEW YORK: بالی ووڈ فلم 'خوبصورت' سے اپنے کیرئیر کا آغاز کرنے والے پاکستانی اداکار فواد خان کی مقبولیت میں دن بدن اضافہ ہوتا جا رہے اور انہوں نے مقبولیت میں بالی ووڈ میگا اسٹار امیتابھ بچن اور مسٹر پرفیکٹ عامر خان کو بھی پیچھے چھوڑ دیا ہے۔

بھارتی میڈیا رپورٹس کے مطابق بالی ووڈ اداکاروں کی ماہانہ بنیادوں پر باکس آفس پر ان کی کارکردگی، مقبولیت اور شہرت کی بنیاد پر ریٹنگ دینے والی ویب سائٹ کے مطابق بالی ووڈ فلم 'خوبصورت' کے ذریعے اپنے فلمی کیرئیر کا آغاز کرنے والے پاکستانی اداکار فواد خان کا نمبر پانچواں ہے۔ فواد خان نے مقبولیت میں بالی ووڈ میگا اسٹار امیتابھ بچن اور مسٹر پرفیکٹ عامر خان سمیت متعدد بڑے ناموں کو بھی پیچھے چھوڑ دیا ہے۔

ویب سائٹ کے مطابق کے 2010 میں بھارتی فلم انڈسٹری میں فلم 'تیرے بن لادن' کے ذریعے انٹری دینے والے پاکستانی اداکار علی ظفر کا بھی 38 واں نمبر ہے۔ ویب سائٹ نے ریٹنگ کے اعتبار سے پہلا نمبر سلمان خان کو دیا ہے جب کہ دوسرے نمبر پر ہرتیک روش، تیسرے پر شاہ رخ خان اور چوتھا نمبر اکشے کمار کا ہے۔