خیبر ایجنسی میں سیکیورٹی فورسز کے ساتھ جھڑپ میں 5 شدت پسند ہلاک ایک اہلکار زخمی

گزشتہ روز بھی لوئر اورکزئی میں شدت پسندوں کی جانب سے سیکیورٹی فورسز کی چیک پوسٹ حملہ کیا گیا تھا۔ فوٹو: فائل

---

جھانسی قلعہ کے قریب سیکیورٹی فورسز اور دہشت گردوں کے درمیان جھڑپ میں 5 شدت پسند ہلاک جب کہ ایک اہلکار بھی زخمی ہو گیا۔

ایکسپریس نیوز کے مطابق خیبر ایجنسی کے علاقے جھانسی قلعہ کے قریب سیکیورٹی فورسز کے ساتھ جھڑپ میں 5 شدت پسند ہلاک جب کہ مقابلے میں ایک اہلکار بھی زخمی ہو گیا۔ دہشت گردوں کے ساتھ مقابلے میں زخمی ہونے والے اہلکار کو فوری طور پر قریبی اسپتال منتقل کر دیاگیا ہے جہاں اسے طبی امداد دی جا رہی ہے۔ دوسری جانب کارروائی کے بعد سیکیورٹی فورسز نے علاقے کو گھیرے میں لےکر سرچ آپریشن شروع کردیا ہے۔

واضح رہے کہ گزشتہ روز بھی لوئر اورکزئی میں شدت پسندوں کی جانب سے سیکیورٹی فورسز کی چیک پوسٹ حملہ کیا گیا تاہم جوابی کارروائی میں 20 دہشت گرد ہلاک جب کہ 6 سیکیورٹی اہلکار بھی شہید ہو گئے تھے۔