نیوزی لینڈ کے خلاف پہلے ٹیسٹ کے لئے قومی کرکٹ ٹیم کا اعلان کردیا گیا

نیوزی لینڈ کے خلاف 3 میچز پرمشتمل سیریزکے آخری دو میچز میں ٹیم میں تبدیلی کئے جانے کا امکان ہے۔ فوٹو؛فائل

---

پاکستان کرکٹ بورڈ نے نیوزی لینڈ کے خلاف پہلے ٹیسٹ کے لئے قومی ٹیم کا اعلان کردیا ہے۔

پی سی بی نے کپتان مصباح الحق کی قیادت میں آسٹریلیا کو وائٹ واش کرنے والی ٹیم کو ہی نیوزی لینڈ کے خلاف 9 نومبر سے شروع ہونے والی ٹیسٹ سیریز میں برقرار رکھا ہے البتہ 3 ٹیسٹ پر مشتمل سیریز کے آخری 2 میچز میں ٹیم تبدیلی کئے جانے کا امکان ہے۔ 9 نومبر کو کپتان مصباح الحق کی قیادت میں ہی بغیر کسی تبدیلی کے قومی ٹیم نیوزی لینڈ کے مدمقابل ہوگی جب کہ 15 رکنی اسکواڈ میں مڈل آرڈر بلے باز یونس خان، اسد شفیق، محمد حفیظ، احمد شہزاد، اظہر علی، عمران خان، ذوالفقار بابر، یاسر شاہ، راحت علی، توفیق عمر، احسان عادل، حارث سہیل، محمد طلحہ اور شان مسعود شامل ہیں۔