کراچی میں رینجرز نے 3 مبینہ ٹارگٹ کلرز گرفتار کرلئے بھاری اسلحہ برآمد

گرفتار ملزمان کا تعلق سیاسی جماعت سے بتایا جارہا ہے۔ فوٹو: فائل

---

رینجرز نے اولڈ سٹی ایریا کے علاقے آکال بمبا سے 3 ملزمان کو حراست میں لے کر ان کے قبضے سے اسلحہ برآمد کرلیا ہے۔

کراچی کے علاقے رنچھوڑ لائن میں ٹمبر مارکیٹ کے قریب رینجرز نے اکال بمبا کمپاؤنڈ میں کارروائی کرکے 3 ملزمان کو حراست میں لے کر ان کے قبضے سے ایک اینٹی ایئر کرافٹ گن، ایل ایم جی اور 4 ٹی ٹی پستول برآمد کرلئے۔ رینجرز حکام کا کہنا ہے کہ گرفتار ملزمان کا تعلق سیاسی جماعت سے ہے تاہم ان سے تفتیش کا عمل جاری ہے۔

واضح رہے کہ شہر میں کئی ماہ سے پولیس اور رینجرز ٹارگٹ کلرز اور جرائم پیشہ افراد کے خلاف ٹارگٹڈ آپریشن کررہی ہے جس کے نتیجے میں اب تک سیکڑوں ملزمان حراست می لئے جاچکے ہیں۔