وفاقی شریعت عدالت نے جید علمائے کرام سے مضاربہ اور مشارکہ سے متعلق آرا مانگ لیں

وفاقی شریعت کورٹ کی جانب سے دنیا بھر سے تعلق رکھنے والے جید علمائے دین کو 14 سوالات پرمشتمل سوالنامہ ارسال کیا ہے فوٹو: فائل

---

وفاقی شریعت عدالت نے دنیا بھرکے مسلم اسکالرز،علمااورمفتیان سے دور جدیدکے بینکاری نظام کے متوازی مضاربہ اورمشارکہ نظام سے متعلق شرعی آرامانگ لی ہیں۔

وفاقی شریعت کورٹ کی جانب سے دنیا بھر سے تعلق رکھنے والے جید علمائے دین کو 14 سوالات پرمشتمل سوالنامہ ارسال کیا ہے سوال نامے میں پوچھا گیاہے کہ مضاربہ اورمشارکہ جس کو دور جدید میں سود سے پاک نظام قراردیا جا رہاہے شرعی طور پراس نظام کے تحت فکس منافع کی ادائیگی کے طریقہ کار کے حوالے سے شریعت کی روشنی میں عدالت کی معاونت کی جائے۔ ایک سوال یہ بھی پوچھاگیاہے کہ اسلامی بینکاری کے کیامقاصد ہیں،کیا جدیداسلامی بینکاری ان مقاصدکی تکمیل کرتی ہے۔

علمائے دین سے رائے مانگی گئی ہے کہ کیا بینکوں کے کرنٹ اکاؤنٹ ہولڈرزکے ساتھ معاملات اسلامی اصولوں کے مطابق ہیں، دنیابھر کے مسلم اورغیر مسلم ممالک سے سودکے نظام کے تحت جو ٹرانزیکشن ہوئی ہیں اورقرضوں کے حصول کیلیے جو ٹرانزیکشن ہوئی ہیں اوروہ ممالک جہاں پر سودکانظام ہے ان ممالک کے ساتھ اس نظام سے چھٹکارے کیلیے کیا طریقہ کار اختیارکیاجائے اورشرعی نقطہ نظر سے ماضی میں ملک کے اوپراس نظام کے تحت قرضوں کے معاہدوںکاکیاحل ہے