شمالی وزیرستان میں سیکیورٹی فورسز کے ساتھ جھڑپ میں 4 دہشت گرد ہلاک 2 جوان شہید

دہشت گردوں کے ساتھ جھڑپ شمالی وزیرستان کے علاقے غرلمائی میں کلیئرنس آپریشن کے دوران ہوئی،آئی ایس پی آر۔ فوٹو: فائل

---

PESHAWAR: شمالی وزیرستان میں سیکیورٹی فورسز کی کارروائی کے دوران دہشت گردوں کے ساتھ جھڑپ میں 4 دہشت گرد ہلاک جبکہ 2 فوجی جوان شہید ہوگئے۔

آئی ایس پی آر کے مطابق سیکیورٹی فورسز کی دہشت گردوں کے ساتھ جھڑپ شمالی وزیرستان کے علاقے غرلمائی میں کلیئرنس آپریشن کے دوران ہوئی جس میں 4 دہشت گرد ہلاک ہوئے جبکہ فائرنگ کے تبادلے میں 2 فوجی جوان بھی شہید ہوئے۔

واضح رہے کہ طالبان کے ساتھ مذاکرات ناکام ہونے کے بعد جون میں پاک فوج کی جانب سے دہشت گردوں کے خلاف آپریشن ضرب عضب شروع کیا گیا جس میں اب تک 1200 سے زائد دہشت گرد ہلاک اور ان کے درجنوں ٹھکانے تباہ ہو چکے ہیں جبکہ سیکیورٹی فورسز نے شمالی وزیرستان کے کئی علاقوں کو دہشت گردوں سے مکمل طور پر خالی بھی کرالیا ہے۔