افغانستان طالبان کا 8 امریکی فوجیوں کی ہلاکت کا دعویٰ

ہلمند میں شہریوں کی گاڑی اتحادی فوج کے ٹینک سے ٹکرا گئی ، 8 سالہ لڑکا ہلاک، ماں زخمی۔ فوٹو: رائٹرز

---

لاہور: افغانستان میں طالبان نے ایک حملے کے دوران 8 امریکی فوجیوں کو ہلاک کرنے کا دعویٰ کیا ہے جبکہ اتحادی فوج کے ٹینک سے گاڑی ٹکرانے سے 8 سالہ لڑکا ہلاک ہوگیا۔

ہفتہ کو عالمی میڈیا کی رپورٹ کے مطابق افغانستان کے صوبہ فرح میں طالبان نے امریکی فوج کے ایک ٹینک کو دھماکہ خیز مواد سے اڑا دیا جس کے نتیجے میں 8 امریکی فوجی ہلاک ہوگئے۔ اتحادی فوج نے بھی آپریشن میں 37 طالبان کو ہلاک اور21کو گرفتار کرنے کا دعویٰ کیا ہے، دریں اثنا صوبہ ہلمند میں عام شہریوں کی گاڑی اتحادی فوج کے ٹینک سے ٹکرانے کے باعث ایک آٹھ سالہ لڑکا ہلاک جبکہ اس کی ماں زخمی ہوگئی۔