ابو ظہبی ٹیسٹ میں جیت کے لئے پاکستان کو ایک وکٹ درکار

کپتان برینڈم میکولم 39،ٹام لیتھم 20، کین ولیمسن اور کوری اینڈریسن 23،23 رنز کے ساتھ نمایاں بیٹسمین رہے۔ فوٹو؛ اے ایف پی

---

نیوزی لینڈ کے خلاف پہلے ٹیسٹ میں پاکستان فتح سے صرف ایک وکٹ کی دوری پر ہے جب کہ نیوزی لینڈ کو جیت کے لئے مزید 294 رنز درکار ہیں۔

ابو ظہبی کے شیخ زید کرکٹ اسٹیڈیم میں کھیلے گئے ٹیسٹ میچ کے پانچشویں اور آخری دن نیوزی لینڈ نے اپنی دوسری نامکمل اننگز کا دوبارہ آغاز 174 رنز 8 کھلاڑی آؤٹ سے شروع کیا تو نیوزی لینڈ کو ہزیمت سے بچنے کے لئے 308 رنز درکار تھے جبکہ پاکستان کو تاریخی فتح کے لئے صرف 2 وکٹیں درکار تھیں، مارک کریگ اور ایش سودھی 27،27 کے انفرادی اسکور پر کریز پر موجود تھے، کھیل کے آغاز پر دونوں کھلاڑی مجموعی اسکور میں صرف 3 رنز کا ہی اضافہ کرسکے تھے کہ پاکستان کے لیگ اسپنر یاسر شاہ نے مارک کریگ کو پویلین کی راہ دکھائی، اس وقت ٹرینٹ بولٹ، ایش سودھی کا ساتھ نبھارہے ہیں اور ٹیسٹ میچ میں فتح پاکستان سے صرف ایک وکٹ کی دوری پر ہے۔