پاکستان بھارت کرکٹ میچ سٹے بازوں نے بھی کمر کس لی

سٹے بازوں کے مطابق ٹاس کے بعد جیت کے بھاو میں تبدیلی ہو گی اور میچ کی ایک ایک بال کے ساتھ ہارجیت کا نیا بھاؤنکلےگا۔ فوٹو فائل

---

ورلڈ ٹی 20 میں پاکستان اور بھارت کرکٹ میچ کے لئے سٹے بازوں نے بھی کمر کس لی،ایک اندازے کے مطابق میچ پر کروڑوں روپے کا سٹہ لگا ہوا ہے۔

بُک میکروں کے مطابق بھارت کی ٹیم 86 پیسے کے ریٹ کے ساتھ فیورٹ ہے، یعنی 100 روپے لگانے والے کو بھارت کی جیت کی صورت میں 86 روپے ملیں گے، جبکہ پاکستان کا ریٹ 1 روپے 14 پیسے مقرر کیا گیا ہے جس کے مُطابق پاکستان کی جیت پر 100 روپے لگانے والے کو 114 روپے ملیں گے۔

میچ میں انفرادی اسکور کے لیے بھارت کی جانب سے ویرات کوہلی ، گوتم گمبھیر اور کپتان دھُونی فیورٹ ہیں جبکہ پاکستانی بلے بازوں میں محمد حفیظ ، عمران نذیر اور عُمر اکمل فیورٹ ہیں۔

بولنگ کے شعبے میں بھارت کی جانب سے زیادہ کھلاڑیوں کو پویلین بھیجنے کے لیے ظہیر خان اور ہربجن سنگھ جبکہ پاکستان کی جانب سے سعید اجمل اور عُمر گُل فیورٹ ہیں، سٹے بازوں کے مطابق میچ کے ٹاس کے بعد جیت کے بھاو میں تبدیلی ہو گی اورمیچ کی ایک ایک بال کے ساتھ ہارجیت کا نیا بھاؤنکلے گا۔