خیبر ایجنسی میں 10 دہشت گردوں نے ہتھیار ڈال دیئے آئی ایس پی آر

دہشت گردوں نے سیکیورٹی فورسز کے سامنے ہتھیار ڈال کر اسلحہ سمیت خود کو ان کے حوالے کردیا،آئی ایس پی آر فوٹو: فائل

---

آپریشن ''خیبر ون'' کے دوران 10 دہشت گردوں نے سیکیورٹی فورسز کے سامنے ہتھیار ڈال دیئے۔

آئی ایس پی آر کی جانب سے جاری بیان میں کہا گیا ہے کہ خیبر ایجنسی میں جاری آپریشن ''خیبر ون'' کے دوران باڑہ کے علاقے میں 10 دہشت گردوں نے سیکیورٹی فورسز کے سامنے ہتھیار ڈال دیئے اور اسلحہ سمیت خود کو ان کے حوالے کردیا جب کہ خیبر ایجنسی میں آپریشن کے دوران اب تک 20 اہم کمانڈروں سمیت 350 دہشت گرد سیکیورٹی فورسز کے سامنے ہتھیار ڈال چکے ہیں۔